حبه نصير شما ...ابو العود

امبارح كنت عند اخوالى احبائى بالتاكيد

وفى اليوم اللى سابقه كنت علمت ان منى الشاذلى مقدمة برنامج العاشره مساء...سوف تستضيف نصير شما

ابو العود كما احب ان اسميه

ولذلك رغم حبى الشديد جدا على الجلوس وسط اخوالى الا انننى حرصت انى اشاهد الحلقه

ولانى الكبيره احتليت التلفزيزن بسهوله من ساره بنت خالى

التى هى ابعد ما يكون عن زوقى الفنى فهى تفضل تامر حسنى وسعد السغير والثقافه العشوائيه دى

بس عندى امل انها لما تكبر تتغير

المهم جلست انا واحمد اخويا واجبرت ساره هى كمان على انها تتفرج معنا

لعلى ارفع من مستوها الثقافى :)

المهم الحلقه بدئت

ومنى طبعا جابت شوية تقارير كده عن الاعتصمات اللى مش بتنتهى ابدا عندنا

اخرهم اعتصام حركة كفايه ضد التعذيب

وتقرير تانى عن ذكرى وفات نجيب محفوظ

وبعدين بدئت الحفله فعلا لما اصل علينا اسطورة العود

نصير شما

يجلس على كرسى ذهبى من الطراز الاندلسى يرافقه دئما فى حفلاته فهو كرسى العزف

وان كنت اشعر به كرسى عرش العود

فهو عندى حفيد زرياب الاسطوه الاندلوسيه الكبيره

عزف نصير فى الحلقه اجزاء من مقطوعاته المزهله

ولكن هزتنى جدا مقطوعة رحيل القمر التى كتبها حين توفت اخته

وكأن العود يبكيها فى رقه وعذوبه متناهيه

وهناك مقطوعه اخرى اسمها حدث فى العامريه عن حدث ضرب القوات الامريكيه لملجاء العامريه للاطفال فى حرب الخليج

وكان ايميها نصير مجند فى الجيش وعاش الحدث وكان من الناس الذين رؤى جثث الاطفال المتفحمه

وبدون مبالغه فان المقطوعه توريك الحدث بوضوع غريب من اول لعب الاطفال الى صفارات الانذار الى سقوط القذائف لنيران الى الاحتراق الى الموت الى الاذان لمراسم الدفن

كل تفصيله بعزف راقى جدا على العود يريك كل ما سبق

امس مشاعرى اهتزت مع اوتاره

بجد بجد نفسى احضر له حفله لايف

يلا بقى احمد اخويا قالى هيبقى يودينى لما نشوف يا عم احمد

هو ليه؟

هو الواحد هو اللى بيدور على الحب ولا الحب هو اللى بيلقيه؟

اقصد يعنى الحب هو اللى بيدور علينا ويلقينا ويحتوينا؟

وليه كل انسان عنده احتياج كبير ان انسان تانى يحتويه؟

وليه الاحتواء ده مش ينفع الا من الحبيب؟

وليه الانسان مش بيقدر يعيش لوحده مهما كان قوى الشخصيه او صلب؟

وليه مش بنحتوى ناس مش بتحبنا؟

وليه العلاقات الانسانيه سعات بتتلعبك؟ و نتوه جوها او نتوه منها؟

وليه بنقابل ناس بنحس انهم اتاخروا علينا اوى فيسيبوا جوانا علامه جميله بس مؤلمه؟

وليه ناس بتيجى بدرى فى حيتنا فنخسرهم بغبئنا وعدم نضجنا

ومهما نحاول مش بيرجعوا؟

وليه الانسان لازم علشان يتعلم من التجربه يتألم؟

وليه بنندم على حاجات احنا نفسنا اللى اخترنها وعملنها؟

وليه بنضحك فى اوقات مش بنبقى عايزين نضحك فيها بس بنعمل كده مجامله مثلا...او يمكن غلب؟

وليه الشجن موجود جوا كل واحد....مهما كبر او صغر متفائل او متشائم

مش مهم المهم انه فى حته جوا قلبوا كده صغيره فيها شجن غير معروف المصدرحتى له؟

وكأن الانسان بيتولد وجواه الحزن ده ....وليه لأ ؟

ما احنا بننزل الدنيا نعيط ونصرخ

طيب لو قعدة كده وفكرت جواك فى زكرياتك...وعد كام موقف هزك الحزن فيه؟

وكام موقف هزتك السعاده فيه؟

اعتقد ان اى حد هيلاقى الحزن اكتر ..... معرفش ليه؟

ومعرفش ليه الدموع قريبه فى الحزن والفرح...وطبعا فى الحزن اكتر؟

الدموع دى مثلا هى عباره عن سائل بتفرزه غده معينه فى الجسم لكن السؤال ليه فى التوقيت ده بالذات؟

فى اعتقادى ان ده بيحصل لما الجسم او الروح بتاعت الانسان بيبقى بتتعرض لمشاعر فوق احتمالها

فبنبكى

ونقول الدموع بتريح؟؟؟!!!!

لا تدفعنى لحب

لا تدفعنى لحب...اتمنى ان يصبح قصتى

لا تشدنى لحضن ...اتمنى ان يضمنى

فقلبى الصغير تعرض للظلم

سكن فيه الحزن

صعب عليا ان اتجاهل مشاعرك

كيف وانت تغمرنى برقتك

لكن ...لا...لا...لا

لن اتهاوى واضعف

ومن حبك سوف اهرب

ساهرب من حنانك ورقتك

ومن قلبك ومحبتك

فقلبى صار اضعف من ان يسكنه الحب

من ان يتحمل نار الشوق

لا اعرف كيف انهى كلامى

فحبك مازال يداعب احلامى

ارجوك ابتعد بحبك عنى

انزع صورتك من ذهنى

خذ كلماتك وتركنى

اتركنى فهذا افضل ما عندى...... 0

اسواء احساس

اسوء احساس انك تمارس فعل

كنت طول عمرك بتكرهه وبتلوم اللى بيقوم بيه

وكنت بتقول عليه ان اللى يعمل كده ده اكيد مش ان سان

والاسواء ان فى لحظه عناد او غباء او ضعف او عدم مسئوليه

او كل دول مع بعض تخسر اللى حربت سنين عمرك كله علشان تثبته وتكتسبه

وكأن سنين عمرك دى انسان صديق لك وانت قمت خنت كل عهود الصداقه

اللى كانت ما بينكم

ومهما حاولن لم تطيب جرحك له او تندمل جراحك فى خيانتك

سلملى يا عاشق

سلملى يا عاشق على الهوى ولا هتنسانى

هو اللى ضيعنا سوى واحبه ليه تانى

سلملى يا عاشق على الهوى ولا هتنسانى

انا عمرى كان ضحك وغنى هو اللى اسانى

بس الجروح بتروح والقلب لو مجروح هيحن من تانى

انا جرحى مش حزن وبكى انا جرحى شئ تانى

سلملى عاشق على الهوى ولا هتنسانى

ليه بتلمونى هو انا اخترت الغياب

ده انا اللى صابرعلى الضنى وهو اللى غاب

اللى فرح هو

واللى جرح هو

هو اللى فاتنى لدمعتى والقلب النار جوه

سلملى عاشق على الهوى ولا هتنسانى

انا كنت فاكره من سنه هو اللى نسانى

هو اللى ضيعنا سوى واحبه ليه تانى

سلملى يا عاشق على الهوى ولا هتنسانى

الحب للى يصون

والهجر للى يخون

والذكرى خليها

لما الجراح تبتسم يمكن اغنيها

والقلب

القلب بكره يشوف بعده حبيب تانى

سلملى يا عاشق على الهوى ولا هتنسانى

*********************

يشدو بها وجيه عزيز ولا يحضرنى اسم الشاعر

اوستيك جلاكسى العجيب

انا بحب صحيح الشكولاته موت

وبذات بقى لو كانت جلكسى تبقى واو

وعلشان كده حبيبى احمد اخويا الصراحه مش حرمنى منها

كل يوم والتانى يجبلى واحد

وفى يوم كده قالى انا لقيت اكتشاف عظيم يا سام هتفرحى بيه جدا

قولتله ايه يا ترى قالى لقيت اوستيك جلاكسى

طبعا طرت من الفرح وقولتله مش جبت ليه

قالى انا قولت اقولك الاول

المهم عدى كام يوم وجابلى انا وماما وهو كل واحد واحد

اول ما بفتحله الباب نولهولى وفى عنيه مسحه من الحزن

فبقوله فى ايه يا ابنى ده جلاكسى

قالى سام اوعى تفكرى انى اجبهالك تانى دى مره وعدة

ولانى عارفه ان احمد اخويا كريم جدا جدا الصراحه معيا

استغربت فسئلته ليه يعنى

قالى اصل الاوستيك الواحد بتسعه جنيه

وكانت الصاعقه

كنت هفترس احمد انه تجراء وجابه اصلا

وقولتله لولى انك جبته علشان خطرى كنت رجعته تانى

والصراحه لما اكلته مش عجبنى مش عارفه ده علشان كنت عرفت السعر بتاعه ولا علشان هو فعلا مش حلو

اصل برضوا كتير يعنى يجيب تلاته اوستيك بسبعه وعشرين جنيه

انا حسبتها لو كان جاب منجه اللى برضوا بموت فيها كان زمانه جاب سبعه كبلوا الا ربع زاى الفل

كان زمانى كلت لحد ما الاملاح قضت عليا

يلا اهى مره وان شاء الله لو مد الله فى عمرى مش هعملها تانى ابدا

كتير9جنيه والله

ليه ان شاء الله هو الاستيك العجيب بتاع هرى بوتر

جالى تاج يا رجاله

انا جالى تاج يرجاله

**************

اول مره اعرف موضوع التاج ده وانا بكلم

امانى اللى هى صاحبت مدونة بنت الجنوب

لقتها بتقولى صحيح انتى ليكى عندى تاج

وبما انى محدثة مدونات

مش فهمت فقولتلها بجد لونه ايه

طبع هى ضحكة عليا

لكن تشكر فهمتنى

وانا بقى قررة انى اجاوب التاج عندى

**********************

اسم مدونتك؟

رؤى

لماذا اخترته؟وما هى نيتك من وراء اختياره؟

الحقيقى انا اول عهدى بالنت كله على بعضه كان بيتزامن مع ميلاد رؤى بنت خالى

ولانى بموت فى البنوته دى

اخترت ان يكون اسمى على النت رؤى

والكلام ده من اكتر من تلات سنين

ولما عملت مدونه كان طبيعى انى اسميها رؤى

اما نيتى من ورى الاسم ان تكون المدونه بجد رؤى لكل حاجه من وجهة نظرى

يعنى رؤيتى عن كل حاجه واى حاجه

صغيره او كبيره

تفهه او مهمه

هل فكرت فى اغلاق المدونتك؟والسبب؟

لا مش فكرت لانى ببساطه لسه فتحها

صورتك فى المدونه ورمزيتها؟

اول ما شوفت الصوره دى حسيت كانها عايزه تقعد مع نفسها وتشوف اللى جوها

وهو ده اللى انا عايزه انى اعرف اعبر عن اللى جويا

لماذا دخلت عالم التدوين؟

لان كان جويا حكاوى ونفسى افضفض عن اللى بشوفه او بحسه

جمله قيلت لك فى وصف مدونتك؟

فيها حاجه

ناس صحابى لما قروها قالوا كده

ومش عارفه هما قالوا كده الحاجه دى وحشه ولا حلوه

التعليقات بالنسبه لك,واهميتها؟

التعليقات بحس انها تفالع اللى بيقرا اللى بكتبه معيا

ومن هنا اهميتها بنسبالى

احلى بوست كتبته....ضع الينك,ثم اذكر لماذا؟

اممممممممممممممم

اقول بقى زاى الفنانين

كلهم اولادى مقدرش اميز بين واحد والتانى

بس هقول

البوست بحلم اكون مصريه

لانى كنت حساه جدا لانى بجد شايفه انى رغم انى احمل الجنسيه المصريه

فى حاجات كتير نقصانى على انى اكون فعلا مواطنه مصريه

افضل بوست قرأته؟ وضع لينكه؟

هو فيه كذا واحد

منهم طبعا البوست كانت كتباه خديجه عن علاقة الشباب الملتزم على النت

لكن طبعا مش هقدر احط النك لان المدونه قفلتها

وفيه بوست كتبه مصعب عن واحد صاحبه

رغم ان البوست ده ممكن يتقال عليه شخصى

الا انى معرفش ليه حسيته

لان انا بحب الصداقه فى حد زاتها بين اى اتنين

بنبسط اوى لما بلاقى ناس صحاب اوى كده

البوست اسمه احمد رفعت شقشوق

افضل مدونه قرئتها؟

لا بقى كتيييييييييييييييييييير

حد قل ادبه فى التعليق ايه رد فعلك؟

هخى مش حصلت لحد دلوقتى بس لو حصلت

هحذفه

اسوأبوست, اسوأ مدونه؟

كتييييييييييير برضوا

هيحصل ايه لاميلك لما تموت؟

احمد اخويا هيتصرف

اديت الباس ورد لحد قبل كده؟وايه صبيعة علاقتك بيه؟

لاحمد اخويا

و صديقه ليا اسمها بسمه

والعلاقه اللى بينى وبينها لاتصفها الكلمات

ورغم انى مقتنعه ان الصداقه معنها كبير لكن اللى بينى وبينها اكبر

اسمك المشهور بيه وسط صحابك؟

كذا حاجه منها

اس اس

ويسا

وس وس

سوما

شخصيتك نوعها ايه؟

مش انا علم نفس بس مش اعرف اوصف شخصيتى بجد

السفر بالنسبه لك؟

متعه لانى بحب اشوف ناس جديده واماكن جديده

لكن كمان بخاف من انى اشتاق لاحبائى

وقت فراغك بتعمل فيه ايه؟

يا اما على النت يا اما بقراء مجلة العربى الكويتيه

المود بتاعك؟

ماشى حاله

يعنى لا انا كئيبه ولا بضحك عمال على بطال

الاكله المفضله؟

فتت الملوخيه,والمكرونه البشمل

صفات اخدتها من بابا؟

المناقشه,بابا علمنى انى اتناقش وافهم اى حاجه اكون انا عايزه اعرفها

الصفات اللى اخدتها من ماما؟

كل حاجه, يعنى مثلا ماما بتتمتع بقوة شخصيه وانا ازعم انى امتلك هذه القوه

ماما عنده قدره على الحنان وسعت القلب

ازعم انى اخدت منها الصفات دى

اكتر ست حاجات بكرها؟

الخيانه

الغدر

الصفصتائين

الصهاينه

ان الوندوز يقع

اى فيرس يدخل علىالجهاز عندى

اكتر ست حاجات بحبها؟

الصداقه

البحر

القمر

المطره

النضاره بتاعتى

الساعه بتاعتى اللى معايه من تانيه اعدادى مش فرط فيها رغم انى بيجيلى ساعات تانيه

الشغل بالنسبه لك؟

دنيا تانيه

احساسك ان طفل يجيلك علشان تحلله مشكلة

وصدقونى مشاكل الاطفال دلوقتى مش ان زميله خد مسطرته والكلام ده

بالعكس بقى عندهم ابعاد نفسيه اكبر

وكونى بقدر اساعده بحس بمتعه رهيبه

الانتر نت بالنسبه لك؟

عالم تانى

بكون فيه نفسى

****************

اختبار ادمان التدوين

72%

امرره لمين؟

قبل ما امرر كنت عايزه اكت التاج اللى انا ائلفه

وهو

س1 اكتر موقف صعب مر عليك فى حياتك؟

س2 اكتر ذكرى مش بتقدر تنسها ابدا وتقريبا عايشه معاك؟

س3لو معاك باقة ورد هتهديها لمين وليه؟

س 4 لو قدامك حيطه فاضيه وتباشير هتكتب ايه وليه؟

س 5اكتر شخصيه اثرت على حياتك؟

س6 لحظه حسيت فيها ان حياتك بتتغير؟

بس كده هما دول الست اسئله اللى همررهم ل

مصعب=مصعب

براء=انا مالى

امانى=بنت الجنوب

محمد=لكم دماغكم وليا دماغى

مدرستى الاعدادى

كنت قد اقتنعت منذ فتره بالتكراريه فى حياة

الانسان

يعنى لما بنمشى فى طريق تلاقيه بيتكرر فى

كذا مشوار
مع ان كل مره بتروح فى حته مختلفه.

مثلا طريقى بتاع الجامعه هو تتقريبا طريق مدرسة الثانوى

وهو برضوا بشكل تانى طريق مدرستى الابتدائى

وهو برضوا طريقى دلوقتى لما بعمل الدبلومه

كل هذه الطرق تتفق فى جزء منها او بعضها وانا ختلفت فى النهايه.

لم ازكر مدرستى الاعدادى وكانى اغلت هذه المرحله كلها

يمكن لان المرحله دى مش قادره احددها فى حياتى

يعنى لا بحبها ولا بكرها لكن بتوتر منها

يمكن علشان التوتر ده هو الشعور السائد فى المرحله دى.

اللى خلانى افتكر مدرستى الاعدادى انى امبارح الظروف حتمت انى امشى فى طريق المدرسه

وعلى مضض وعلى غير رضاى وبشئ من التوتراتجهة اليها.

لكن كل هذا التوتر تلاشى حين طلت عليا شرفتها ومبنها

ورحت واكانى احتضنها بعيونى

وتزكرت على الفور ناس كنت احبهم ولكن الظروف حالت
دون ان نرى بعض.

لكننى وانا ارها شعرت باطيافهم تمر من حولى كما كانت فى السابق

وشعرت بنفسى وكانى ارتدى اللون الكحلى وجدائلى مسدله على القميص الابيض

وخانقه نفسى بالجرفته مش عارفه ليه
(كنت شايفه نفسى شويه)

.

توقفت امام المدرسه قليلا انظر اليها حتى خشيت ان يقول من فى الشارع

هى الانسه هابله ولا حاجه

فاخدتها من قصيرها ومشيت

لكن رائسى لم تتوقف عن التفكير فى هذه الايامالتى مرت

كندى العمر الجميل

فرغم ما شبها من توتر التفتح علىالدنيا

الا انها ظلت ايام البراءه والنقاء

لا اعرف لما تركتها تنطبع فى ذهنى بما فيها من توتر

وليس بما فيها من ندى الزهور وشذى الايام التى لا تعوض

مدرستى كم احب كل تفصيله فيكى

كم دونت على حيطانك زكرياتى
"

للزكى الهباب وايم العذاب والذحف علىالتراب
weswes,amany,eman,faten…..

"

كانت السائده بين التزكارات التى طالما دونها على جدران الفصول

مدرسة حائق القبه الاعداديه بنات

تحياتى لكى حبيبتى الغاليه

وعذرا ان تركتك مع اشيائى المسيه

بحلم اكون مصريه

انا بحلم اكون مصريه بجد وبحق وبحقيقى

والله يا جماعه طقت فى دماغى كده لما احمد اخويا بيقولى انتى بتحلمى بايه قولتله

بحلم اكون مصريه

اصل يا جماعه اى مصرى عايش دلوقتى فى مصر مش شرط يكون مصرى بجد

مش عيب فيه لا سمحه الله انما سعات يعنى بيكون عيب فى الناس اللى مش فهمين يعنى ايه يحترموا المواطن المصرى

اصلا مش فهمين يعنى ايه كلمة مواطن

يعنى الواحد بيسمع ان المواطن فى اوربا والدول المتقدمه والخليج العربى مثلا

بسع سمع خير يعنى

انهم بيعملواالمواطن معامله تليق بانه مواطن مش مجرد عابر سبيل

يعنى بيتعلم بكرامته

بيتعالج بكرامته

لما بيشوفوا فيه موهبه بيدعموها

ناهيك طبعا عن الحوافز اللى بتخليه يحس انه بجد بجد بيحب بلده

طبعا منعا للاحرج لن اصف الصوره فى مصر

ودعنى اقول حدث ولا حرج

عن اى حاجه المفروض انها موجوده طبعا عندنا اكيد هى مش موجوده

مش عشان حاجه

مش تفهموا الجماعه غلط

بس علشان هما بيحبوا يربوا الشعب تربيه قويه فيطلع ماسك نفسه

مش زاى المواطن الطرى اللى فى اوربا والدول المتقدمه

لا

احنا غير

احنا شعب السبعة الاف سنه حضاره

مش يمشى معنا شغل الدلع ده

بس انا بقى مليش دعوه انا بحب الشغل ده وبحلم بيه

بحلم اكون مصريه

حبه عسيلى

احمد العسيلى
هو شخصيه مختلفه فى كل حاجه
يعنى هو مش مجرد مزيع او مقدم برنامج
انما وانت بتسمعه تحس انه عايز يقول حاجه من غير مط ولا رغى كتير
بيقصر ويجيب من الاخر
بصراحه وواقعيه
من اول مره اسمعه لما كان بيجى على نجوم اف ام
حسيت انا واحمد اخويا انه زاى ميكون صديق قديم لينا
معرفه من زمان
حد قريب مننا وخلاص
وكان نفسنا نشوفه جدا
ايميها كنا لسه مش دخلنا فى ركب التقدم وجبنا دش
بس اتصرفنا وشوفناه
الاول اتصدمت مش علشان شكله وحش ولا حاجه لابالعكس
انما علشان كنت متخيلها زاى ما هو بظبط
مش عارفه ليه هو ده الشكل اللى اتخيلته بيه
بعد كده لما قدم الموسم التانى من نفس البرنامج كان بقى عندنا دش
وبقت كل اجهزت الاستقبال متظبطه عليه
يعنى اللى فى المطبخ فاتح الراديوا واللى فى الانتريه فاتح الدش
فى الاول ماما استائت جدا من حبنا ليه انا واحمد اخويا
لكن بعد ما سمعته كام مره معنا
بقيت ساعات تيجى تسمعه معنا
لما البرنامج ده خلص زعلت انا واحمد اوى
وبقينى من وقت لتانى نعمل سيرش على النت على اخباره
لحد ما فورجت
وبقى يقدم برنامج على قناةotv

اسمه حبه عسيلى
احمد اخويا بقى رتب اجازته على البرنامج علشان يشوفه
يمكن تقولوا ان احنا مبلغين
لكن بجد لو حد شافه هيحس اد ايه الراجل ده قريب
تحس انه مصرى بجد
زاى اى حد ممكن تقابله فى المواصلات وانت رايح الشغل
وتلاقيه بيتكل فى مواضيع بجديه
من غير زعيق وشخط ونطر
وكله كوم وعشقه لجاهين كوم
لانى من هواة جاهين اتفقنا على طول
وكمان انا بحب المطرب وجيه عزيز ولقيته هو كمان عرفه
رغم انى بجد مش اعرف احمد العسيلى بشكل مباشر اللى انى بجد بقدره جدا

على فكره معاد البرنامج بتاعه يوم الاربعاء الساعه 8 مساء على

otv