انا بحلم اكون مصريه بجد وبحق وبحقيقى
والله يا جماعه طقت فى دماغى كده لما احمد اخويا بيقولى انتى بتحلمى بايه قولتله
بحلم اكون مصريه
اصل يا جماعه اى مصرى عايش دلوقتى فى مصر مش شرط يكون مصرى بجد
مش عيب فيه لا سمحه الله انما سعات يعنى بيكون عيب فى الناس اللى مش فهمين يعنى ايه يحترموا المواطن المصرى
اصلا مش فهمين يعنى ايه كلمة مواطن
يعنى الواحد بيسمع ان المواطن فى اوربا والدول المتقدمه والخليج العربى مثلا
بسع سمع خير يعنى
انهم بيعملواالمواطن معامله تليق بانه مواطن مش مجرد عابر سبيل
يعنى بيتعلم بكرامته
بيتعالج بكرامته
لما بيشوفوا فيه موهبه بيدعموها
ناهيك طبعا عن الحوافز اللى بتخليه يحس انه بجد بجد بيحب بلده
طبعا منعا للاحرج لن اصف الصوره فى مصر
ودعنى اقول حدث ولا حرج
عن اى حاجه المفروض انها موجوده طبعا عندنا اكيد هى مش موجوده
مش عشان حاجه
مش تفهموا الجماعه غلط
بس علشان هما بيحبوا يربوا الشعب تربيه قويه فيطلع ماسك نفسه
مش زاى المواطن الطرى اللى فى اوربا والدول المتقدمه
لا
احنا غير
احنا شعب السبعة الاف سنه حضاره
مش يمشى معنا شغل الدلع ده
بس انا بقى مليش دعوه انا بحب الشغل ده وبحلم بيه
بحلم اكون مصريه
2 comments:
للأسف فعلا مش كل الناس عندنا فاهمين المعنى الحقيقى لكلمه مواطن .. او مواطنه , أو يمكن الفكرة الشايعه عند معظم الناس هى ان المواطن دة هو الشخص الى بياخد على قفاه من الباشا ظابط البوليس والى بيطلع عينه فى الشغل عشان ياخد ملاليم أخر الشهر و...إلخ
للاسف كلمه مواطن عندنا سمعتها وحشه اوى ..
تحياتى ليكى على البوست الجميل دة
مواطن يا مين يا قمر
المواطن ده بقى موضة قديمة
المهم حضارة سبعة الاف سنة
:D
Post a Comment