قالى قاعده البنوته على النت لمتاخر فى بيتها عيب

لما يقولوا ان البنت تخرج من البت متاخر عادى
ولما النتات تقول ان ده تعدى على حريتها برضوا عادى

انما لما ماما تقولى عيب قاعده على الكمبيوتر لغاية الساع واحده بليل عيب

ده بقى اللى مش عادى
وده بقى مش تعدى على الحريات
ده اسمه خروج عنالنص
انا قاعده على النت فى بيتنا
فيعنى ايه اقعد لمتاخر ولا اقوم بدرى
انا فى جميع الاحوال اصلا من الناس اللى بتنام بدرى زاى الفراخ يعنى على الساعه 12 بكون مسلمه نمر
لكن صادف انى سهرت من الحر
وما ادراك ما الحر وماذا يفعله بى !!يفقدنى وعى
المهم كنت سهران وطولت شويه على النت
الاقى ماما تقولى مش يصح تقعدى لحد بليل كده يا توته علشان كده عيب
وكانى علشان فاتحه النت ابقى قاعده فى الشارع
الموضوع خنقنى وبس طبعا مع ماما مقدرش اناقش علشان انا اللى هبقى خسرانه فىالاخر
وبصراحه انا بحب الريحها
يعنى ديما بحاول امشى فى المنطقه المشتركه اللى بنا
بس كان غريب موضوع عيب ان بنت تقعد على النت فى بتهم لمتاخر

وايه اخرتها مع مترو ذق ذوقه

وايه اخرتها مع مترو ذق ذوقه
من ساعت ما روحت الجامعه وانا استخدم مترو مصر الجديده علشان

اوصل لجامعة عين شمس لانه الاقرب
لكن طبعا مش لانه الاسهل
والصعوبه فيه مش عشان هو زحمه –وده حقيقى- ولا علشان هو بيتاخر- وده واقع لازم نقره-لا مش عشان ده كله انما علشان بيمشى بالعفيه
اول ما روحت الجامعه واتعرفت على الناس زمايلى

وسئلونى بتركبى ايه فقولت مترو مصر الجديده
فضحكم اووى علشان انا قولت كده
فستغربت ليه يعنى

فقلولى ده بنقول عليه ذق ذوقه
فى الاول ما جدلتهمش ومشتها ذق ذوقه على اساس انهم بيدلعوه
لكن بالمومارسه-اللى دامت الى الان خمس سنوات بين اربع سنين كليه وسنه بدوحر فى الدرسات العليا والكورسات-
تجلى ليا هما ليه قالوا عليه القب ده ذق ذوقه :يعنى بيمشى بالذق .
بمعنى انه بيتلكك علشان مش يمشى مثلا يوم الدنيا تمطر يتوقف عن العمل الباشا
يوم الدنيا حر شويه –والايام دى كترت اليومين دول- برضوا يريح الاسطى
وكله كوم ولما اتعطلت فيه لمدة ساعه علشان الباشا كان بيشحن هوى
اى والله الكمسرى قالى كده لما سئلته احنا وقفين ليه قالى بيشحن هوى يا انسه.
بغض النظر عن صورة الماده اللى بيشحن بيها المترو –سواء كانت صلبه اى سائله او غازيه- ده لايغنى انه لازم يتجدد
بجد ذق ذوقه ده على كل البلاوى اللى فيه الا انه بيخدم ناس كتير وبيمر فى مناطق كتر
يعنى هيجرى ايه لو صلحوه وريحونا مهما كده ولا كده بيخدوا عليه ايعانات من بره
ولا اه اه صحيح ما الاعنات اتلغت كده زاى تحسين الثانويه العامه.
ما علينا برضوا يصلحوه .ولا هما مش عيزين علشان يفضل كده فلكرور واثار ماشيه
ماهو برضوا فى وش الحكومه ما هى كله ساكنه فى مصر الجديده
فياريت يرعوا الناس اللى بتنزل محطة جامعة عين شمس
ويجعله عامر

انى اغيــــــــــــــــــــــــــــب

انى اغيــــــــــــــــــــــــب
كأنى شمس اضائها حبك
وكتب عليها مبكرا المغيب
ان تنطفئ غرقا وظلما وقهرا
فى بحر قسوة الايام المقيت
انى اغيــــــــب
كأنى دمعه تتلاشى
فى صحراء الجحود
انى اغيــــــــب
فى صمت اذوب فى الحزن
فى صمت اصم اغيب
عن ادراكى الحياه
عن ان يصل حبى لمنتهاه
انى اغيـــــــــــــــــب
كأن الغيوم فى قسوة
تطبق على قلبى السقيم
كأنها تسد منافذ الهوى
كى لا اتنفسك
انى اغيــــــــب
ملكومت القلب
مكتوفت الاراده
تتطاير احلامى الصغيره
فى عواصف الحيره
انى اغيـــــــــــــب
عنك وعن نفسى
عن حبى وعمرى وامسى
انى اغيـــــــــب
وليس ذنبك غيابى
وليس بيدى همى وعذابى
فأنا اثق بك اكثر
من نور الفجر
ولكن يبدوا ان القدر
هو الهجر
فنسمات الآم
تداعب احلامنا
تكدر صفو ايا منا
فيلوح الفراق امامنا
فأغيـــــب اكثر
وتموج نفسى بالالم اكثر
وأغيــــــــــــــــب

تجليات اخصائيه نفسيه فى مدرسه حكوميه:المدرسون يدقون اول مسمار فى نعش مستقبل التلاميذ

العنوان كبير وفظيع لكن اللى انا ناويه احيكيلكم عليه النهارده فظيع بقدر العنوان

بشكل مبدئى انا اول مره اراقب فى امتحنات

وما حدث فى هذه المرقبه هالنى وصدمنى

فقد كنت اعلم انى ساواجه غش وحاجات من هذا القبيل

لكن اللى خلانى استفذ للكتابه ان المدرسون هما اللى بيدخلوا يغششوا العيال

ولما حولت منع هذه المهزله وجهة بكم هائل من الاعتراض والنقد

تصل الى حد التطاول عليا

يستفذ فى الموضوع فعلا هو مبداء المدرس من الغش

وهناك ثلاث انواع من هذا المبدء

اولا: ان المدرس لازم يغشش التلميذ علشان الفلوس اللى اهل التلميذ دفعتها للمدرس علشان يعلمه

لكن المدرس بيستسهل انه يعلمه طول السنه ويعمل بالفلوس اللى بتدهالوه الاهالىفيقوم يغششه فى الامتحان وينجحه اى كلام اسهل

ثانيا: وهذا المبدء قاله ليا مدرس بكل بساطه فقال لى (انتى تعبه نفسك ليه ؟ بصى يا بنتى اتعليم لو

انصلح حاله لازم الدوله ينصلح حالها وبما ان الحكومه مش عايزه الدوله ينصلح حالها فهى ساكته

على التعليم المتخلف ده)كده بكل بساطه

لكن تعالوا نحلل الموضوع بجد هنلاقى ان الراجل عنده حق

التعليم السليم هو العمود الفقرى لاى دوله تحترم نفسها وتسعى الى التقدم

والسؤال هنا هل فعلا البلد محترمه نفسها وراغبه فى التقدم؟

ثالثا: ان الاداره التعليميه اللى تابعه ليها المدرسه بترجع النتيجه بتاعت المدرسه للمدرسه لو كانت نسبة النجاح غير اللى الاداره عايزها وهى نسبة90%

فطبعا المدرسين بدل ما يوجعوا قلبهم فى التصحيح وترجع الاداره تقولهم ارفعوا نتايج العيال وفى هذه الحاله سيضطرون لمراجعة اوراق الامتحنات تانى

فبيغششوا العيال من الاول علشان يضمنوا نتيجة المدرسه وزاى ما قالى المدير (يا بنتى ماشى الحال علشان العيال دى مش تقرفنا فى الملاحق)

شوفتم بقى ان الثلاث انواع هما اصلا نوع من تريح الدماغ

وان كنت اشيل لوم النوع الثالث من على كاهل المدرس لان الاداره هنا هى اللى مذنبه

مال المدرس العيال نسبة نجاحهم عاليه ولا لا؟

احمله ليه حاجه زاى كده؟

لكن تعرفوا ان النوع الثالث ده ليه ميزه:انه لو مش موجود فالمدرس هيغشش العيال اللى بتدفع بس.فمع وجود هذا السبب اقصد موضوع الادار فالمدرس بيدخل يغشش اللجنه كلها.

كل المدرسين اللى ناقشتهم فى هذا الموضوع كان لا يعنيهم اطلاقا ان هذا التلميذ الذى عتاد على الغش والفساد سيستمر فيه الى النهايه

وهنا تدخل الدوله فى دايره مفرغه من الفساد

علشان كده اخترت العنوان ده

لانى فعلا من اللى بشوفه ان المدرس ليه تاثير كبير على شخصية التلميذ وخصوصا فى مرحلة ابتدائى

فلما التلميذ يشوف الغش والفساد ده اتوقع منه ايه انا لما يكبر

غير انه يكون مرتشى وغشاش وكل الامراض الاجتماعيه اللى منتشره اصلا فى المجتمع يعنى المجتمع مش ناقص

وانا امره دى بهدف من كتابة الموضوع ده انى اشوف افكاركم فى حل هذه الازمه

حتى لو بنا وبين بعض نسمع بعض ونتشارك

فمن هنا ادعوا الجميع الى الناقشه

وفى النهايه لكم تحياتى

تجليات اخصائيه نفسيه فى مدرسه حكوميه2

تجليات اخصائيه نفسيه فى مدرسه حكوميه:ثقافة العنب(2)

بعد ما يشبه الطبور الذى يقام كل يوم فى الصباح وهو عباره عن فوضه ايضا لكن الاختلاف هنا ان فوضى كل فصل يفصلها

.............عن فوضى الفصل الذى يليها شئ من الفراغ

المهم بعد ما يشبه الطبور هذا سادت المدرسه شئ من الهدوء الذى رأيته غريبا على هذه المدرسه التى لا تعرف معنى النظام او الهدوء

.المهم طبعا تسائلت عن هذه الحاله الغير معتاده فقالوا لى ان هناك زياره من الاداره تمنيت

لحظه ان تدوم هذه الزياره الى الابد ولكن هيهات لهذه الامنيه ان تتحقق

فبعد فتره عادة ريمه الى عادتها القديمه

واثناء مرورى بين الفصول لآتفقدها تناها الى مسامعى صوت انثوى

-لا عفوا لا يصح ان اصف هذا الصوت بهذه الصفه-هو صوت تخين وفى بحه غريبه ،

بعد تفسير ما يصدر عن هذا الصوت فوجته يغنى المقطع الاول من اغنية مطرب المدرسه الاول السيد سعد الصغير ،

كان المقطع الاول من اغنيه هتجوز "يلا يلا يلا"

وبعدين قلب بقى يقول "العنب العنب العنب"

فنتبهت جيدا وتتبعت المصدر فوجت مدرسه شكلها زاى صوتها بظبط

ويوحى انها عضوه فعاله فى فرقة طاربئها اقرب من ان تكون مدرسه ،

كانت تدندن بهذه الكلمات وهو تفتتح الكتابه على السبوره قبل ان تشرح الدرس

وساطلق العنان لأذهانكم للتخيل ما هو اسلوبها فى الشرح ومعها هذه العصايه

التى فى الغالب كانت عصاية غليه قبل انت تجيب الفول اوتو ماتيك على طريقتها

سرت بعيدا عنها حتى اتفقد الباقى وكى لا تلاحظ انبهارى بها فألقى منها ما لا احبه

فى طريقى وجدت مجموعه من المدرسين ومتجمعين ويتحدثون

وآه ثم آه ثم آه من حديثهم الذى تخطلت به الفاظ لا تصلح ابدا ان تصدر من مدرس تربوى

واغلب الظن انه لا يعلم هذه الصفه" تربوى"

-ففى احدى احاديثى القليله مع احد المدرسين كان يحكي لى عن مشكله لتلميذ

وكان يتفاخر امامى انه حلها دون الرجوع الى احد ،

فمدحته قائله ونعم المدرسين وهذا متوقعمن رجل تربوى مثلك،

وعند نطقى بهذه الكلمه ارتفع حاجباه على نحو غير متوقع كانه اول مره يعرف ان هذه الصفه يجوز ان تطلق عليه

ما علينا خلينا فى المدرسات الاناث

لا حول ولا قوة الا بالله لا تتعدى احاديثهم عن النميمه على بعضهم البعضوكأن هذا عادى جدا

ذلك بالاضافه عن اخبار بيوتهم الدقيقه واذا غيروا فيكون الحديث عن فلانه اللى اخدت درس من فصل علانه،

وعلانه اللى وكلها ولعه فى الدروس ،

ولا يخلوا هذا النق المباشر بعض الحسبنه على بعض

*ما احكيه لكم هذا هو العادى بتاعهم ولا جديد طبعا تحت الشمس فى الفوضى الخلاقه والاحداث تتوالى
انتظرا الجزء التالى مع الظواهر الطلابيه المبهره

تجليات اخصائيه نفسيه فى مدرسه حكوميه:الفوضى الخلاقه 1

1تجليات اخصائيه نفسيه فى مدرسه حكوميه:الفوضى الخلاقه

هذه مجرد سطور خطرت على بالى بعد ان بدائت عمل فى المدرسه الحكوميه التى عملت بها

ولانى لم تكن عندى هذه الخلفيه الثقافيه عما يحدث فيه

لان ببساطه كنت فى مدارس خاصه

حالى كحال اغلب ابناء الطبقه المتوسطه

فهالنى ما رايته وقولت فى عقل بالى انقله ليكوا يمكن تكون انتوا كمان شوفته اللى انا شوفته

*************

اول يوم فى عملى كأخصائيه نفسيه كان غريب الطبع والشئن

فناء المدرسه يعج بالتلاميذ الصغار وأثار هذا استعجابى

وظللت اتسائل لماذا المدرسين يسكتون على هذا ولماذا هذه الحاله من الامبلاه

ولكنى انقذة نفسى من هذا الفيض من التسؤلات حتى استكمل اوراق عملى فى المدرسه

وبعد ذلك تعرف على ساره اخصائية صحافه وهى حديثة التخرج مثلى وطلبت منها ان تاخذنى كى اتعرف على المدرسه

وفى طريقنا سئلتها عن ما اثار استعجابى من كم التلاميذ الموجودين فى الفناء

فقالت لى جمله ظلت تتردد فى رأسى حتى لحظة كتابتى لكم قالت لى

{هذه هى الفوضى الخلاقه}

كم اثارت ذهنى هذه الجمله لحد اننى ظللت ارددها على لسانى طوال اليوم

ورغم انها جمله صغيره الا انها جعلتنى غارقه فى فيض من التساؤلات لا ينقطع

ما هى هذه الفوضى التى تكون خلاقه

اى فوضى هذه التى يستفيد منها تلميذ من المفترض ان المرحله التى يمر بها الان هى اساس لكل قيمه ومبداء سوف يستمر معه دئما

اى مبدء هذا الذى يرسخوه فى الطفل

{لفوضى الخلاقه}

ولم يمر هذا اليوم الى حد الفوضى الاخلاقه فقط

لكنه استمر الى ان عرفة ان الفسحه ليست للجميع بل انها للصف الاول فقط

وذلك لان الذى بنى المدرسه بنى عدد فصول يتسع لعدد من التلاميذ لايمكن اجتماعهم فى الفسحه واحده

لذلك قام مدير المدرسه بعمل خلاق فعلا وهو ان تكون الفسحه للصف الاول فقط

الذى ينزل للفناء اما الباقى الصفوف فعلى التلميذ ان يظل فى الفصل الا انه مسمح له التحرك داخل الفصل

بحيث يكون ناتج هذا التحرك غالبا ما يكون اشتبكات عنيفه بين التلاميذ

الذين عندهم من العدوانيه ما يكفى للقضاء على اسرائيل فىى طرفة عين

لا اقصد هنا ان العدوان هو الذى سيجعلنا نسترجع الارض المسلوبه )

ولكن الحرب بشكل او باخر تحتاج الى شئ من العدوانيه لكى نحارب

لكن هذا ليس موضوعنا هنا)

المهم نرجع للفوضى الخلاقه ولا اقولك بلاش خلينى احكيلك على معاملة الاساتذه مع التلاميذ

ولكنى سافعل المره القادمه

هى الناس بتحب بعض............؟

الناس بتحب بعض...........؟

!سؤال يخطر على بالى كلما نزلت الى الشارع (وخاصه صباحا) وارى الناس ذاهبه و أتيه

لا أدرى من اين او الى اين

كلما اراهم يخطر فى بالى عباره وسؤال ،العباره هى كلٍِِ فى فلك يسبحون،

وأما السؤال فهو ياترى الناس دى أيه وراهم ومالهم عملين كده ليه كلهم مكشرين؟

تحس لمل تشوفهم انهم واخدين على خاطرهم من حد او من حاجه...

.أسرح فى وجوههم المتجهمه و يطرق على ذهنى مليون سؤال حول حاله الحزن التى تنتابهم....

وكله كوم ولما تطلع أتوبيس زحمه كوم تانى كل واحد واقف بيبص للى جنبه كأنه قاتل قتيل او هو ده اللى اخد حقه او نصيبه....

.لكن برضوا مش كلهم كده لكن الاغلبيه وفيهم كمان اللى شارد الذهن وشكله يخليك تطبطب عليه ......

حقا وصدقا بكره الخروج لانى يرجع متكدره (صباحا انا بكرر الكلمه دى علشان الناس اللى بيخرجوا بليل مختلفين

الصبح يعنى انا بتكلم على الموظفين)

الناس ماشيه مش طايقه حد يقول لها بم يعنى لو واحد خبط واحد من غير ما يقصد وقاله اسف تحس ان اللى اتخبط هيضرب اللى اعتزرله ليه معرفش.........

نهيك عن المشحنات اللى بتحصل بدون داعى بين السوقين وبعضهم مش عشان الزحمه وبس لا علشان الناس مش عندها صبر على بعض مفيش بنهم تعاطف ولا حب ..

طيب بلاش حب طب يكون بينهم موده يكون عندهم شعور بالاخر يلتمس ليه العزر.....

تفتكروا يا جماحه

الناس مش بتحب بعض ليه...؟!..او مفيش تعاطف و ود بنهم ليه ؟

وانا اقصد هنا الناس العاديه اللى فى الشارع يعنى اللى مش يعرفوا بعض!

ليه كل واحد ماشى فى الشارع متحفز للى جنبه كما لو كان ده بالذات هو اللى مخليه زعلان!

او هو السبب فى كل حاجه وحشه بتحصله.........

وارجع واقول علشان الناس مش تفهمنى غلط انا اقصد الفتره اللى فيها الموظفين

لان اللى بينزل باليل مش هيلاقى اللى انا بتكلم ده عليه خالص لان النوعيه بتاعت الناس بتكون مختلفه

ارجوا ان يكون اللى كتبتهه اثار اهتمامكمو

انتظر من كل اللى يقراءه انى شركنى بما يرد فى فكره

سلاااااااااااااااااااااااااام