هو الواحد هو اللى بيدور على الحب ولا الحب هو اللى بيلقيه؟
اقصد يعنى الحب هو اللى بيدور علينا ويلقينا ويحتوينا؟
وليه كل انسان عنده احتياج كبير ان انسان تانى يحتويه؟
وليه الاحتواء ده مش ينفع الا من الحبيب؟
وليه الانسان مش بيقدر يعيش لوحده مهما كان قوى الشخصيه او صلب؟
وليه مش بنحتوى ناس مش بتحبنا؟
وليه العلاقات الانسانيه سعات بتتلعبك؟ و نتوه جوها او نتوه منها؟
وليه بنقابل ناس بنحس انهم اتاخروا علينا اوى فيسيبوا جوانا علامه جميله بس مؤلمه؟
وليه ناس بتيجى بدرى فى حيتنا فنخسرهم بغبئنا وعدم نضجنا
ومهما نحاول مش بيرجعوا؟
وليه الانسان لازم علشان يتعلم من التجربه يتألم؟
وليه بنندم على حاجات احنا نفسنا اللى اخترنها وعملنها؟
وليه بنضحك فى اوقات مش بنبقى عايزين نضحك فيها بس بنعمل كده مجامله مثلا...او يمكن غلب؟
وليه الشجن موجود جوا كل واحد....مهما كبر او صغر متفائل او متشائم
مش مهم المهم انه فى حته جوا قلبوا كده صغيره فيها شجن غير معروف المصدرحتى له؟
وكأن الانسان بيتولد وجواه الحزن ده ....وليه لأ ؟
ما احنا بننزل الدنيا نعيط ونصرخ
طيب لو قعدة كده وفكرت جواك فى زكرياتك...وعد كام موقف هزك الحزن فيه؟
وكام موقف هزتك السعاده فيه؟
اعتقد ان اى حد هيلاقى الحزن اكتر ..... معرفش ليه؟
ومعرفش ليه الدموع قريبه فى الحزن والفرح...وطبعا فى الحزن اكتر؟
الدموع دى مثلا هى عباره عن سائل بتفرزه غده معينه فى الجسم لكن السؤال ليه فى التوقيت ده بالذات؟
فى اعتقادى ان ده بيحصل لما الجسم او الروح بتاعت الانسان بيبقى بتتعرض لمشاعر فوق احتمالها
فبنبكى
ونقول الدموع بتريح؟؟؟!!!!
3 comments:
كل دة بيحصل لان دة هية الحياة
كل ده بيحصل لان دى الحيا
لكنكمان علشان احنا عايزين نعشها كده يمكن
شكرا لمرورك ومتابعتك
أسئبتك كتيرة اوى
بس اقدر اقول
ان الإجابة كلمة واحده بس
الأمل
Post a Comment