تخاريف شتا

جوها كلام كتير

ناس كتير صوتهم عالى رايحين جاين يتناقشوا وهى حايره وسطهم ما عارفه ترضى مين ولا تزعل مين

عايزه تطلع كلامهم برها

واول ما تمسك الورقه والقلم يسكتم

لا

ما بيسكتوا

بيهمسوا

زاى داوى النحل

لا تعرف تكتب كلامهم ولا تعرف تسكتهم

بس بجد خنقوها بقى

وبذات اللى قاعد فى الركن هناك بعيد ده

دافس راسه فى الاب توب

ديما مشغول عنها وصوته عالى بكلام ما بتفهمه

ولما بيفضى بيتكلم فى اللى هو عايز يسمعه

بجد بقى نفسها تصرخ فى وشه من كتر ما تخنقت منه

والبنتين اللى هناك دول اللى قاعدين يتكلموا لوحديهم ويبصولها ويبتسموا من غير ما يشركوها فى الحوار

معلش اصل بقالهم اهتمامت تانيه بعيد عنها

والاخ اللى هناك ده

ايوه ده

اللى عمال يزن يزن بكلام ما بتفهم نصه بس لازم تسمعه

والورقه اللى متعلقه على الحيطه دى

اللى اصفرت من كتر الركنه

مكتوب عليها حروف بهتانه

عن امنيات تخيلت انها هتحققها

وبرواز فى الركن هناك مترب

لصورة بنت بضفاير وقميص ابيض وجرفته

يا خبر دهى وهى صغيره

يا اااااه

كانت اياميها فاكره انها لما تفك الضفاير دى هتنطلق فى الحريه

لكن اكتشفت ان الحريه اكبر من انها تحدد هتسرح شعرها ازاى

اكبر من انها تعمل اللى هى عايزه

اكبر من ان هى تمارسها

يااااااه

ايام ما كانت فى الصوره دىكانت مطيعه اوى

بريئه اوى

مستريحه رغم قلقها

يارتها فضلت بضفاير

عملت ايه يعنى لما فكتهم

بس الصوره حلوه

زاى اياميها ما كانت حلوه

اسكندرلا كمان وكمان

روحت امبارح ساقية الصاوى بعد محايلات على احمد اخويا علشان يجى معيا

عشان كنت عايزه احضر حفلة اسكندرلا

اللى قالى على الفريق ده عو عمر الهادى وطنط ندى الصادق

وعمر بعتالى فديوهات ليهم على يوتيوب

وعجبنى جدا ولما روحت الحافله بجد انبسطت موووووووووووت

لانهم فعلا كانوا اكثر من رائعين

فكل الاغانى اللى قدمها

الميكروباص

شد الحزام

ندا

البيانولا

ايه العباره

اتجمعوا العشاق

ضربوا القمر

بشويش

البحر بيضحك ليه

كل الاغانى دى كانت تحفه بجد

لكن القنبله اللى بجد هزتنى جامد وحسيت انها خلتنى ادمع

هى اغنية يحكى ان شعر امين حداد والحان الرائع حازم شاهين

كانت بنسبالى صادمه وادائهم فيها كان رائع بحيث جعل الجمهور اللى كان مالى قاعة الحكمه فى ساقية الصاوى

طلب منهم اعادتها مره اخرى

**********

بعد الحفله قبلت طنط ندى ونادين وشهد

وكنت سعيده انى شوفتهم جدا

لكن عمر الهادى مش جه علشان تعبان شويه

الف سلامه يا عم عمر

بجد كان اليوم ناقصك

:)

ودى الصور اللى صورتها هناك

كل سنه وانتم بخير

صورة المصرين لدى العرب ......الصيت ولا الغنى

هو انا حكيت قبل كده على انى اد ايه بحب كتبى وكشاكيلى

مش فاكره

بس على العموم انا بعشق الكتب والكشاكيل

لدرجة انى يمكن محتفضه بكتب يرجع تاريخا الى ايام ما كنت فى ابتدائى

من كام يوم كده كان مودى مش اد كده

فقولت ارجع ادور فى دفاترى القديمه

اللى غالبا بلاقى فيها نفسى

لان غالبا لما كنت بذاكر كنت بدون اى فكره او كلمه جات على بالى فى اللحظه اللى بتيجى فيها

علشان لما ارجع ليها تانى اعشها تانى

المهم

فتحت كشكولى الكبير اللى كنت بلخص فى المواد بتاعتى فى سنه رابعه كليه

كان فى ماده انا درستها عن صورة الذات والاخر فى الصراع العربىالاسرائيلى

الماده دى بلا فخر جبت فيها امتياز على غير عادتى يعنى

ورغم انى درستها قبل كده كويس الا انى لما قرتها المره دى لفت نظرى حاجه غريبه جدا

من ضمن الحاجات اللى بتناقشها الدراسه دى

صورة المصرين لدى الفلسطنين واليمنين والتونسين ولدى المصرين نفسهم

الاول هقولكم المصرين قالوا ايه على نفسهم هى الصفات التاليه

"الطيبه ، الكرم ، الاخلاص ، المرح ، خفة الدم ، والتدين ، حب بعضهم البعض ، الوطنيه ، البساطه ، الذكاء ، الاصاله"

صورة المصرين بقى لدى الفلسطنين

" الطيبه ، خفة الدم ، الكرم ، حب السلام ، البساطه ، العاطفيه ، حب الفن ، مساعدة الاخرين ، حب المعرفه ، متعلمون"

(مساعدة اخرين مين يجوا يشوفوا اللى معتصمين فى شارع القصر عينى من تلات تيام)

صورة المصرين لدى التونسين

"خفة الدم ، الكرم ، حسن العشره ، اجتماعيون ، الوطنيه ، تشجيع القوميه العربيه ، اصحاب حضاره ، التسامح ، المجامله ، الغرور"

(تشجيع القوميه العربيه مين؟ اكيد الدراسه دى يا اما قديمه يا اما اللى اتسئلوا فى الدراسه كان اخر حاجه شفوها فلم ناصر 56)

صورة لدى اليمنين

"الطيبه ، المرح ، السذاجه ، المجامله ، الذكاء ، القبليه ، حب المعرفه ، التعصب ، اللامبالاه ، عدم الاهتمام بالوقت"

( صقم والله فى اللا مبالاه وعم احترام الوقت)

المهم لو جمعنا كل اللى قالوه العرب عننا هنلاقى انهم اجتمع على كذا صفه منها حب العلم والتعلم والنواحى المعرفيه وكده

المصيبه بقى ان المصرين نفسهم مش شافوا كده ولا زكروها على الاطلاق

وكل الصفات اللى قالوها عن نفسهم كانت اجتماعيه

على العموم الصيت ولا الغنى

(مهو مثل مصرى برضوا)

......امرأة...فى عنق الزجاجه

مللت الكلام المعاد عن الحب
....فلنخترع يا حبيبى كلاما جديدا
...كرهت الاهامة فى مدن الملح
...فلنكتشف ،يا حبيبى ، مكانا بعيدا
أريد الذهاب الى زعتر الاوديه
...أريد التحرر من كل شئ
ومن اى شئ
....اريد الذهاب الى آخر الأغنيه
.........
أنا لا أزال معلقة يا حبيبى
بعنق الزجاجه
فشعرى.. ونثرى..وومضات فكرى
تمر جميعا...بعنق الزجاجه
....فكيف احبك فى ظل هذا الحصار الطويل
فسيف يحدد وقت خروجى
وسيف يحدد وقت دخولى
تمر الفصول على
ولا أتذكر اسماء كل الفصول
فلا شهر نيسان يطرق بابى
ولا غيم ايلول يروى حقولى
.............
....كرهت حوار المريا
كرهت الجلوس نهارا وليلا ببيت اللعب
أريد استعادة حق الصراخ
وحق التحدى
وحق الغضب
أريد مكانا على الارض
تنبت فيه القصائد مثل دوالى العنب
تخشب قلبى، واصبحت امرأه من الخشب
تيبس عقلى،ولا أتصور عقلى حطب
أريد هواء نظيفا
وفكرا نظيفا
.....وحرية الريح بين حقول القصب
..صبرت كثيرا
ويا ليتنى كنت املك صبر النخيل
ألوف البشاعات تصدم عينى
ومازلت احلم فى كل شئ جميل
أريد التحرر من كل شئ..ومن اى شئ
...فحدد زمان الرحيل، و وقت الرحيل
وخذنى على ساعديك القويين...خذنى
....الى زمن الشعر .. والمستحيل
................
كرهت استدارة وجهى... ولون عينى
كرهت قناعة كل الجوارى
كرهت طعام السجون
كرهت القبيله...حين تكون القبيله ضد الأنوثه
...والياسمين
.....كرهت ذكور القبيله حين يقولون احلى الكلام
...لكى ياكلونى
...كرهت الخرافات تنهش لحمى
..كرهت الحليب الذى أرضعونى
...خرجت على سلطت الميتين
..وخالفت كل الوصايا التى علمنى
..وقفت بوجه العواصف وحدى
ولم اتخذ من صديق على الارض
الا جنونى
************************
شعر الشاعره الكويتيه د/سعاد الصباح**


عن جد اشعر به كثيرا

NEVE GONE

The things we did, the things we said

Keep coming back to me and make me smile again

You showed me how to face the truth

Everything that's good in me I owe to you
Though the distance that's between us

Now may seem to be too far

It will never separate us

Deep inside I know you are
Never gone, never far

In my heart is where you are

Always close, everydayEvery step along the way

Even though for now we've got to say goodbye

I know you will be forever in my life

Never gone
I walk alone these empty streets

There is not a second you're not here with me

The love you gave, the grace you've shown

Will always give me strength and be my cornerstone
Somehow you found a way

To see the best

I have in meAs long as time goes on

I swear to you that you will be

Never gone from meIf there's one thing

I believe (I believe)

I will see you somewhere down the road again

Never gone, never far

In my heart is where you are

Always close, everyday

Every step along the way
Never gone, never far

In my heart is where you are

ان النقص فى الوجود عين كماله...ولو استقام القوس ما رما

ان النقص فى الوجود عين كماله...ولو استقام القوس ما رما

كنت فى محاضرة علم نفس نمو وهى ماده ادرسها فى الدبلومه اللى بعملها

ورغم ان هذه الماده قتلتها دراسه ايام ما كنت لسه فى قسم علم النفس كلية الاداب

الا ان الدكتور اللى بيدهلنا بيتناولها بشكل مختلف

المهم القى على مسامعى المحاضر هذا البيت او القول المئثور

واكأنه يجاوب على اسئله كثيره تدور فى رئسى تحرق ذهنى بلا جواب

واهم هذه الاسئله عن العلاقات الانسانيه التى هى تخصصى

فدئما ما يشوبها ما يعكرها حتى لو رفض الطرفين الاعتراف بذلك

فكم سمعت صديق يتحدث عن صديقه ويذكر لى كل صفاته الجيده والى اى مدى يحبه؟

ثم تجد كلمة"لكن" تظهر فى الحديث ويتبعها ما يسوءه من صديقه

وكم سمعت حبيب يتحدث عن حبيبه وتتخلل كلمة "انما"لسرده لما يشعر به

ويتبعها ما يتمنا ان يكون موجود ولكنه لا يجده

فليس هناك ابدا ما يدعى التناغم الكامل او الانسجام التام

الذى لا يتبعه اى كلمات "لكن" او " بس" او "انما" تلك التى ياتى بعدها ما يؤرق ما قبلها

وان اردة تعميم هذه الفكره على كل شئ يمر بك ففعل

ستجد ان ذلك مناسب جدا

فلا يمكن ان يسترخى الانسان بشكل تام دون ان يؤرقه شئ ما مهما كان بسيط

فالانسان دئما قلوق

كأنه يبحث بشئ من الشغف عن اى شئ ليشغل باله به

واذا كان هذا هو الطبيعى

فصدق من قال

ان النقص فى الوجود عين كماله...ولو استقام القوس ما رما

بحب الشتا والبرد والمطره والدفا

اولا انا بحب الشتا مووووووووووووووووووت

وكله كوم والمطره كوم تانى عندى

بحس لما بتنزل كأنها لما بتغسل الشجر و الشوارع

انها كمان بتغسل القلوب

ونسمة الهوى اللى بتيجى بعد المطره

بحس بيها كانها وليد جديد بيخرج للدنيا

وبحب فى الشتا البرد

وكمان الدفى لما بتكلفت بالبطنيه وادفس نفسى فى حضن امى وانام زاى العيله الصغيره

اهلا بك ايها الشتاااااااااااااااااااااء

بحبك موووووووووووووووت

ودى قصيدة الرائع على سلامه اللى كتبها فى الدستور النهارده

..بحب البرد

..ويا سلام

..لو حد هرب م الدوشه

..وراح وجابلى ورد

وأموت م الفرحه والدهشه

..

لو كتبت قصيده

وقولتلى حلوه

..قولها تانى

اتنطط زى العيال الصغيره

..

..وأقولك احلف

..والله العظيم

..بتتكلم بجد

..يمكن علشان ايام الفرح قليله

..سهل تتعد

..عارف

.. رغم ان المخازن

.. كل يوم بتتحرق

ومفيش حساب ولا جرد

..

ورغم وجود السيرك

.. والاراجوز

والتلات ورقات

وجوز وفرد

عمرى ما اتمنيت أكون امير

..

أو ولى عهد

...لكنى بحلم بوطن مفيهوش ولا حاره سد

وطن بيفرح بحاجه

غير وصول الاهلى لليابان

...

وحزنه انبل

...م الدموع البلاستيك

..وعمليات التجميل

.. والشفط والشد

..عارف

..رغم انها

.. بتقع

بتغرق

... بتتنيل بستين نيله

لكن جميله

.. عمرها ما ها تنهد

..عشان كده

..انا لسه بحب حاجه

.. ولسه فى قلبى حد

رحلة الهروب ..لألأ مش كده..رحلة العوده اليوميه

طبعا انا لاادعى انى لم اسمع عن اللى بينطوا السور بتاع المدارس
لكن لكونى بنت مش شوفتها بعينى بشكل مباشر
مع انى بسمع دلوقتى ان مدارس البنات كمان بقى فيها طالبات بتنط من فوق السور
لكن ما علينا
:)

الجديد بقى فى حدوتة النط دى

انى وانا فى المدرسه اللى بشتغل فيها

شوفت عيال بتنط السور بس المره دى مش من جوه لبره

لأ فى تطور بقى
من بره لجوه

بصراحه اول وهله حسيت ان العيال فقدوا الاتجهات مثلا ولا حاجه
واللى ذاد من دهشتى ان الزاى اللى لبسينه العيال مش بتاع المدرسه بتعتنا
قولت فبالى معقول العيال دى منحبهم فى المدرسه بينطوا على المدارس التانيه!!!!!
من كتر الفضول اللى سيطر عليا سئلت واحد فيهم وهو قاعد على السور مستنى دوره فى النط من عليه
انا: انت يا ابنى ريحين فين؟
الواد:رجعين المدرسه
انا:مدرسة ايه يا بابا؟
الواد: مدرسة محمد نجيب يا ابله
قولى فى سرى يا نهارد دى المدرسه اللى بعد اللى جنبينا
قولتله: بس دى المدرسه اللى بعد اللى جبينا يا ابنى؟
الواد:اه يا ابله ما احنا بنط على سوركم وبعدين بنعدى حوش المدرسه الجنبيكم وبعد بنط السور اللى بين المدرسها بتحتنا والمدره اللى جنبيكم
قولت فى سرى ينهار ابوك نط؟
قولت: وليه الغلبه دى يا بابا ما تنط من الشارع على مدرستك على طول؟
الواد:مش ينفع لان الاداره قاعده على الباب
وخلص الحوار لان الواد كان عليه الدور فى رحلة العوده القائمه على نط الحواجز اقصد الاسوار
والصراحه انا مش بقى عندى حاجه اسئلها للواد

كان ممكن ابلغ على العيال دى

بس هما على الاقل رجعين المدرسه

كويس انهم رجعم

فيما بعد عرفت ان ده تقليد متبع بين الطلبه

بينظموا يومهم الدراسى على مزاجهم

وبشكل صحى

بمعنى انهم بياخدوا الحصه الاولى والتانيه فى مركز الشباب اللى ورا المدرستى

وبعدين الحصه التالته نط حواجز او اسوار

فى خط سير رحلة العوده الى مدرستهم

خير والله

بحب انا اللى يعرف يسلك نفسه

وبغض النظر عن قدرتهم الفائقه فى التسلق والياقه البدنيه اللى لو استغلنها

هنغلب فرق المتسلقون اللى فى فرنسا

وبغض النظر عن موهبتهم فى القدره على التصرف وحل المشكلات

وبغض النظر عن جرئتهم وانهم يتسلقوا اسوار ثلاث مدارس علشان يوصلوا لمدرستهم

بعد اليوم الرياضى اللى عملوه

ولو غضيت النظر عن كل ده مش هغض النظر عن ان ملعب المدرسه بتاعهم كبير لكن ديما فاضى ليه؟

علشان المدرسين بيكسلوا ينزلوا العيال حصة الالعاب وده بسبب اما

ان مش فى مدرس العاب اصلا او اما ان مدرس الالعاب مش فاضى وبيعمل شغل تانى؟

والمدير مش عايز زحمه فى المدرسه يمكن؟

اهو هو ده اللى كان واللى خلانى بجد احس انى محتاجه اكتبه!!!؟؟؟

4 نوفمبر

اممممممممم4 نوفمبر من كل عام

عيد الحب فى القطر المصرى

وما اعرف ليه اختاروا اليوم ده بذات

وصادف انى اتولد فى اليوم ده بذات

والنهارده بذات هتم 23 سنه بالكمال والتمام

وانا صغيره فضلت حبه كبيره جدا مش اعرف الاتفاق اللى بينى وبين عيد الحب

حتى ما كنت اعرف عيد ميلادى لحد تالته ابتدائى

كنت حفظاه بس بنساه

لان مش من عادة العيله يعنى الاتزام بالاحتفال بيه بشكل كبير هو وظروفه يعنى

انا فاكره اول يوم اتسئل فيه عن يوم ميلادى

كنت فى الباص بتاع المدرسه وانا راجعه البيت

وانتيمتى" سمر "بتقولى

وسام انتى عيد ميلادك امتى

وانا بفتح كتاب الانشطه بتاع تالته ابتدائى علشان اشوف الواجب اللى عليا النهارده

جوبتها بلا اهتمام 4 /11

تنحت شويه سمر وقالتى ده يبقى النهارده يا بنتى

والتناحه اتنقلت ليا بالتدريج

ينهار ده انا كتبت التاريخ النهارده فى الكراريس يجى ميت مره

ولا اخدت بالى

:)

استعجلت اروح البيت اوووووى علشان اقول لماما الاكتشاف الخارق

واول ما ماما فتحتلى الباب

انفجرت فيها

الحقى يا ماما مش النهارده عيد ميلادى

وكأن الست مش هى اللى ولدتنى واكيد حافظه اليوم يعنى

لقتها بتبتسملى كده يا عينى

وكانها بتقولى هو انتى هبله يا حبيبتى ولا حاجه

بس ماما ديما كانت بتقدر مشاعرى الطفوليه دى

ولحد دلوقتى يعنى

:)

المهم

ده كان اول مره اكتشف انى ليا عيد ميلاد

اكتشافى التانى بقى انه موافق عيد الحب ده جه متاخر

وبرضوا صحبتى اللى قالتلى

اصلى بصراحه كان الموضوع مش من اهتماماتى الكبرى يعنى

وطبعا برضوا اول ما عرفت جريت على ماما ابلغها الاكتشاف

واللى حصل فى المره الاولى حصل فى التانيه

:)

امممممممممممم

الاحتفال بيه بقى غالبا بيبقى يا اما تورته وعمتى الحبيه تيجى وكده

يا امى ماما تعملى كل الاكل اللى انا بحبه

وصحابى يقرفونى تليفونات وكده

ده غير انى لما دخلت الجامعه اكتشفت ان اليوم ده حيوى اوى عند الجامعين

الصراحه الجامعه كلها بيكسوها اللون الاحمر للورود

:)

اما انا فببقى محتاره هو انا ممكن اعمل ايه يعنى فى مثل هذا اليوم

امممممممممممممممممممممممم

بفضل افكر وافكر وافكر

لحد اليوم ما يضيع ومش اعمل فيه حاجه غير انى افكر

فى اللى راح واللى هيكون وفى السنه الجديده اللى هتنضاف لكشكول عمرى

اوووووووووووف يا هاى العمر شو بدى اعمل فيك

ربنا يقدرنى واقدر استثمرك باحسن شكل

وفى كلمه عايزه اقوله للسنه اللى فاتت

انا بجد كنت سعيده بيكى

وبجد بعتذر ليكى اوى لو انا فى يوم عشته مش بالشكل المطلوب

يا ايام سمحنى لو مش اديتك حقك

وقولت اهى ايام وبتعدى

يا سنه يا جديده هحب ايامك من قبل ما عشها

وهتمنى انى اكون الانسانه اللى تستحقك

وسام

كل سنه وانتى طيبه

يعنى ايه اخوان مسلمين؟

الاول وقبل كل شئ

بعد ملاحظة ان فى العديد من الاخوه المدونين حصرونى فى تيار معين بسبب طريقتى فى اللبس

فوجب عليا التوضيح

يا رفاق التدوين رغم ان طريقة هدومى توحى انى من الاخوان فانا لست منهم

وان كنت احترمهم

ورغم انى من عاشقين جمال عبد الناصر

فانا لست ناصريه

ورغم انتمائى السابق جدا للحزب الوطنى فانا وبكل فخر

لا احب هذا الحزب من ا الى ى

والله على ما اقول شهيد

*******************

بعد هذ التوضيح فى حاجه كده عايزه اسئل فيها هو يعنى ايه اخوان مسلمين؟

يعنى ايه تطبيق الاسلام فى الحياه؟(ده على فرض جهلى بانه ازاى)بس ما علينا

طب هنتبقوا فى اى مجال؟

وباى شكل؟

وباى اسلوب؟

بمعنى ان عباءة الاسلام على مر التاريخ عبائه فضفاضه تحتوى كل شئ بداخلها

فمثلا فى عهد رسول الله (صلى الله عليه وسلم)كانت هناك قبيله مسلمه

تحيا على النظام الاشتراكى

بالاضافه ان الخلافه الاسلاميه كانت على النظام الراس مالى

ناهيك عن الدول الاسلاميه اللى قامت فى دول جنوب شرق اسيا

الساده الاخوان بقى عايزين ايه؟؟؟؟؟؟؟

بجد انا حاسه انهم حطين منشتات عريضه وكبيرا دون تفاصيل

وبجد بقى دى حاجه خنقانى اوى

لان اى حزب سياسى محترم لازم يعتمد على التفاصيل

على الاليات المتصوره لتنفيز فكرته العامه

طب يا جماعه على الاقل تكون الاليه دى كمان فكره عامه بس اكثرا تفصيلا

انما كده

كله سايح على كله ومش فى حاجه ملموسه

وعلشان مش حد يفتكر انى بهاجمهم والله ابدا انا بس عايزه افهم الصوره الضبابيه اللى محتويا الجماعه دول

بجد من حقى افهم

:(

الانسان بلا حزن ذكرى انسان؟

حكايتها عاديه جدا

لا تحتمل حتى ان تكتب فى سطور

فى هى قلب وفقط

انسانه تلخصت حواسها فى قلبها وفقط

هو الشئ الوحيد الذى يحركها رغم انها تنفى ذلك بشده وتنكره

وجاء يوم وزاد فى قلبها نبضه لشخص

كانت تراه غير كل العيون

تراه اجمل من ان يرى هو نفسه

تلك النبضه كانت اكبر من ان تحتملها بمفردها

فصارت تكتب وتكتب وتكتب

تبوح بما يختلج فى صدرها من كلمات قد لا تكون مترابطه

لكنها كانت تستريح حين تبوح بحبها

وكأى أى حدوتة حب اولها نغم

اشواق لهفه واعذب الكلمات تنطق وارق الحروف تهمس

لكن لا شئ يدوم لا شئ على الاطلاق

بدون مقدمات بدون صراخ او مشادات

او خصام

تلاشى تماما من حيتها

انسحب تماما بهدوء

تاركا ورائه الصمت يعتصرها عذابا ويذيدها اغتربا

قصتها عاديه تماما مثلها كمثل ملاين من اهل الحب

لكن لما يكون العذاب هو الشئ العادى

ولماذا تكون اغلب نهيات قصص اهل الحب تنحصر فى ذلك فقط؟ وان تعددة اشكله؟

انه الحب

انه الشئ الوحيد الذى نعرف به انفسنا وندرك بيه ما حولنا

اهكذا دئما نحول ما يسعدنا الى حزن مقتم

هل حقا الانسان بلا حزن ذكرى انسان؟

والتقينا اخيرا

طب هو انا ممكن اقول ايه

اصل فى كذا حاجه عايزه اقولها عن كونى حضرت الامسيه الشعريه امبارح

بتاعت تضامن مع حرية الصحافه فى نقابة الصحفيثين

اهم حاجه فى الامسيه انى شوفت ناس ما كنت اتوقع انى اقابلهم فى حياتى

مش لكونى مش مهتمه بالموضوع

لكن لكون فرصة انى اجتمع بيهم بعيده كل البعد وتكاد تكون مضحكه

فانا لم اعتاد ابدا على الذهاب الى الامسيات الشعريه

او اى امسيات على الاطلاق

طبعا كنت بشوفها لو اتذاعة على التلفزيون

هو الصراحه من ساعت ما بدئت تدوين

وانا حصل طفره فى حياتى

مش حصلت وانا فى الجامعه اللى كنت بعتبرها مرحله منتهى التغيرات

امممممممممممممم

اقول الشخصيات اللى شوفتهم هناك من الشعراء والكتاب

الخال عبد الرحمن الابنودى

الاستاذ محمد عبد القدوس

بلال فضل

الشاعر احمد بخيت

الشاعره ايمان بكرى

والاستاذ وائل الابراشى

الشيخ

كانوا كلهم رائعين

لكنى لم اذكر بينهم الاكثر اهميه بنسبه لى

الاستاذ ابراهيم عيسى

اول ما وقع نظرى عليه كنت فى منتهى السعاده

انى هقدر اكلمه اخيرا واقوله هو اد ايه مأثر فيا جدا

فانا شديدة الاعجاب بما يخطه قلم هذا الرجل

طبعا قابلت رفقاء الدرب التدوينى

هند و خديجه مالك حسن

عمر الهادى وحرنكش

براء ودعاء

وعبد المنعم ومينا

وائل عباس وشهناز

اغلبهم قال كلمه

لكن كان الاكثر لباقه وبجد كان متحدث جيد هو مينا ذكرى

الندوه كانت فى المجمل رائعه

ورغم ان مقبلت الاستذ ابراهيم عيسى الاهم والاكثر روعه

الا انى اكتشفت جهلى بشاعره رائعه هى ايمان بكرى

بجد كان شعور رائع وصادم انى اسمع السيده الرائعه دى

كمان كنت سعيده بالابنودى واحمد بخيت

بجد كنت سعيده الكام ساعه دول

كفاره يا حج كمبيوتر والصيانه للجدعان

لم اكن اتخيل هذا الدور الكبير والحيز الذى يملئه الكمبيوتر والاتنر نت فى حياتى

من يوم 28 رمضان والجهاز مهبل او بيستهبل معيا

مره يهنج ويجيب جاز

بس الصراحه الراجل ادنا تنبيه كتير انه بعافيه شويه وعايز صيانه

يعنى مثلا

اول حاجه قطع صوت قولت ولا يهمنى مش فارقه معيا الاغانى

وبعدين قام الموس تقل ولا اتهزيت مدام بيتحرك يبقى رضى

الكى بورد راسه والف سيف مش يكتب غير انجليزى ولا همنى اعتبرتها تدريب على مكان الحروف الانجليزى

الجهاز بقى اتخنق منى وقام فاصل ميه ونور

ومش عارفه ليه حسيت ان الجهاز مشمئز منى وناقص ينطق ويقولى

انتى مش وش تكنولوجيا

:)

وبدائت رحلة الاصلاح

بان احمد اخويا اخد الكيسه لمحل شيك كده فتح فى الشارع بتعنا

المهم بعد عدة مدولات على الموبيلات بينى وبين احمد اخويا والراجل اللى هيصلحه لينا او هكذا كنت اظنه

لانى بعدين عرفت انه ولد صغير عنده 19 سنه

المهم قال ان المشكله فى البور صبلاى

قولناله غيره

قام غيره وظبط الوندوز واخد 55جنيه زاى الباشا

لما احمد جاب الكيسه وظبطنها قامت اخيرا بس كسيت ان الموس تقيل شويه

قولت بس يبقى العيب كده فى الموس

انزل يا حج احمد هتلنا موس غيره

وادى 20 جنيه تانى

(يا خرب بيتك يا اليشع)

جاب الموس واشتغل حلوا والجهاز بقى زاى الفل

الكلام ده كان يوم الاربعاء سادس يوم العيد

تانى يوم بعد ما رجعت من الشغل جيت اشغل الجهاز ماما قالتلى احمد بيقولك كلميه قبل ما تشغلى الجهاز

ليه ماله؟

المهم اتصلت باحمد قالى الجهاز مش راضى يولع

قولتله ده انا اولع فى امه ؟ليه؟

قالى مش عارف

قومت متصله بخبير العائله فى الكمبيوتر

اوركل مان زاى ما بيقول على نفسه

محمد ابن عمى

وحكتله على اللى حصل وقولته انى خايفه يكون العيب فى البورده

قالى لا ان شاء الله مش فيها

معرفش هو قال كده علشان شافنى خايفه على البورده ولا ايه؟

المهم شلت الكيسه على قلبى وروحت للولد تانى علشان يشوف ايه

قالى سيبهالى شويه

سبتها وكنت نازله بظروفه بعديها انا وماما فعدينا عليه

ايه الاخبار يا ريس

البورده ضربت

%^$^#^%$#^$&$%$#%$#^%&

ده كان احساسى طبعا

بس فى احتمال انى اعرف اشحنها

قولت فى عقلى هو انا هشحن ايه ولا ايه

الموبيل ولا الرصيد ولا الست الحجه بورده

بعت لاحمد اخويا ولمحمد ابن عمى كلمنى شكرا علشان كنت خايفه على الرصيد

لانى عايزه نعمل قمه ثلاثيه فى الوضع الراهن

احمد اول ما قولتله البورده اتوهم وقالى فكك منى وانا وراجع من الشغل هبقى اعدى على الولد

محمد ابن عمى بقى كان قافل الموبيل اصلا

عرفت بعد كده انه هو كمان فصل شحن

:)

المهند بعد كام ساعه كده احمد اتصل بيا وقالى جمله واحده بس

البقاء لله فى البورده

وعديكم اقمت شعائر الحداد المستميت

وعقدت العاقده واستنيت الفقيده لما ترجع

احمد حبيبى اول ما شاف البؤس على وجهى

قالى على ايه يا بنتى انزلى بكره غيريها ولا يهمك

مش كدبت خبر تانى يوم نزلت خليت الولد غيرها وظبط الوندوز تانى

وجبت الكيسه وركبتها ولسه بشغلها الشاشه مش راضيه تقوم

الله يخرب بيت الكفره

ايه تانى يا بنت الناس مالك

قال الشاشه مش مستحمله الرزليوشن علشان صغيره

اتصلت باحمد واول ما سمع صوتى وانا بقوله ازيك يا مان

قالى لو نطقتى اى كلمه فيها ك او ب او ت او ر او يه هقفل السكه

فانا تداركت الموقف وروحت قولت الشاشه

ورغم ان الكلمه مش فيها اى حرف من الحروف المحظوره الا ان احمد قفل برضوا السكه

:(

بعد دقيقه اتصل وقالى مالها

قولتله على اللى حصل

راح قالى انسيه وكبرى دماغك

بس مين ده الكمبيوتر ده الحاجه الوحيده اللى بلاقى فيها نفسى

قولته هات انت بس اسطوانت اونذ ومش ليك دعوه

لما جبها احمد صطبته ومش عرفت الشاشه

واخيرا دخلت على الانتر نت وها انا ذا اكتب مره اخرى

الموضوع ده بقى اخد منى من يوم 13 اكتوبر لحد ما بكتب ليكن دلوقتى

افطار المدونين يوم مختلف فى حياتى

اقولكم بقى ليه هو يوم مختلف

لانى انتقلت من التفاعل التدوينى من خلف شاشة الكبيوتر الى التفاعل المباشر بالمواجهه مع رفقاء الدرب التدوينى

:D

حلو الدرب التدوينى دى

لمهم اقولكم هو يوم كمان مختلف فى حياتى ليه

انا لما جتلى الدعوه طبعا م كان عندى اى امل انى اروح الفطار

لانى عمرى فى حياتى ما فطرت فى رمضان بره البيت لوحدى

وعمرى ده قرب يتم 23 سنه الشهر الجاى

علشان كده لما قولت لماما على موضوع الفطار كان من باب

fun

عنى بس لكن على غيرالعاده لقيت ماما كده موافقه مبدائيا لحد ما بابا يجى ونعرض عليه الموضوع

ولما بابا جه بعد محاولات ومشاورات ويفضل باب يبتسم ويقولى سام بنوتى تفطر بره البيت ويضحك

صل الصراحه عمرها ما حصلت

المهم بعد شوية محايله وعلشان خطرى يا بابا وكده يعنى وافق اخيرا

وكنت مبسوطه اوى اوى بصراحه انى رايحه مع انى كنت خايفه زاى التلميذ اللى رايح مدرسه مش يعرفها اول يوم دراسى

انا بذات بقى اعلم الناس بهذا الاحساس المخنق

وعلشان اخفف من حدة التوتر ده فضلت احاول اعرف مين من المدونين اللى انا اعرفهم رايح

رغم ان المعرفه دى اصلا ما هى الا الاحاديث اللى على المسنجر بس

ومش اخبى عليكم فكرت كذا مره انى مش اروح

وفضلت الفكره دى فى دماغى لحد وانا داخله الاصانصير طالعه للكافتريه

وكل اللى فى دماغى جملة علاء والى الدين فى فيلم الناظر ساعت المظاهر "لف وارجع تانى لف وارجع تانى"ساعت ما البوليس حاصرهم

واللى لحقنى قبل ما انفذ كان محمود صاحب مدونة شبشب بصباع

قابلته فى الاصانصير وبمجرد ما قولت الدور التامن

قالى تبع المدونين

وكانى لاقيت طوق النجاه

قولتله كويس انى لقيت حد

لمهم طلعت لقيت شوية ناس كده قاعدين اتعرفنا على بعض

امير=انا كده ومفيش غير كده عندى

طنط ندى =المقاومه بدون عنف بس بالهندى والصراحه مش عارفه لا انطقها ولا اكتبها

وعمر= اسد

ومحمد ومحمد ومحمد

صراحه التلاته دول مش بقيت مميزه محمد مين من محمد

المهم بدائت الناس تيجى لحد ما لما يقرب من 40مدون

طبعا لا ادعى انى اتعرفت عليهم كلهم

كن على الاقل عرفت هما مين

بس فى ناس كنت عرفاهم قبل كده

هند= عاشقه حتى النخاع

دعاء = بنت بلد وهى مرات براء= وانا مالى

مصعب = مصعب الخير

وائل عباس =الوعى المصرى

منعم= انا اخوان

طبعا الباقى كانوا كتير جدا انى اكتب اساميهم

بس كلهم ناس محترمه وبجد ارتحتلهم اوى

المهم قاعدنا على الطربزات علشان الفطار

واستنينا نسمع الاذان

ورغم وجود جامع قريب منا الا انه استحال ان احنا نسمع الاذان

وفطرنا بعد تمحيص بقى فى السعات وربطها بوقت الاذان

المهم فطرنا اخيرا

بعد الفطار قعدنا فى حلقه كبيره وكل واحد عرف نفسه واسمه واسم المدونه

كانت الناس ظريفه

بجد كان يوم مختلف فى حياتى ابتدئا من

تجربة انى افطر لوحدى بره

وكمان انى اتعرفتعلى الشخصيات التى يجب ان اصفها بانها مختلفه بشكل او باخر

الصراحه اكتر شخصيه حسيت انى عايزه اعرفها اكتر هى طنط ندى

بجد الست دى حبتها على طول

يمكن لان روحها خفيفه

معرفش

اه صحيح فى كمان مينا كان لذيذ جدا

وطبعا احمد عزت= اى كلام

كمان كان فى ناس كان نفسى بجد انهم كانوا يبقوا موجودين

فى الفطار علشان اتعرف عليهم

نواره

بنت مصريه

لكم دماغى

واهمهم جدا جدا الشخصيه المحترمه المهذبه للغايه احمد رفعت

كل سنه وكل المدونين بخير

وكل سنه واحنا مدونين

:)

المدونه محتجبه اعتراضا على حبس الصحفيين

المدونه محتجبه اعتراضا على حبس الصحفيين

مصر يا اما يا بهيه

مصر ياما يا بهيه

يا ام طرحه وجلابيه

الزمن شاب وانتي شابه

هوا رايح وانتي جايه

جايه فوق الصعب ماشيه

فات عليكي ليل وميه

واحتمالك هوا هوا

وابتسامتك هيا هيا

تضحكي للصبح يصبح

بعد ليله ومغربيه

تطلع الشمس تلاقيكي

معجبانيه وصبيه يا بهيه

مصر ياما يا سفينه

مهما كان البحر عاتي

فلاحينك ملاحينك

يزعو للريح يواتيا

للي ع الدفه

صنايعي

واللي ع المجداف

زناتي

واللي فوق الصاري كاشف

كل ماضي وكل اتي

عقدتين والتالته تابته

تركبي الموجه العفيه

توصلي بره السلامه

معجبانيه وصبيه

يا بهيه

*********************

كل سنه وانتى طيبه يا حبيبتى

فى عيد نصرك

اللى بقالى زماااااااااااااااان اوى نفسى اشوفه من تانى

والله وحشانى يا مصر وانا عايشه فيكى

مشتاقه لحضنك يا بهيه

من اول السطر

سألني ابنى يحيى انت ح تسافر يابابا ، عرفت فوراً إن مراتي قالت له إني ح أسافر تمهيداً لأنني سوف أسجن
المشكلة بعد كل سفر أنني أحضر ليحيى هدايا قال لى ح تجيب لى إيه يابابا قلت له
عسكري صغير يا حبيبي
إبراهيم عيسى

******************

ملحوظه التدوينه منقوله من مدونة دخان شيشه

نحن نختلف عن الاخرين

"عيش نمله تاكل سكر"

مبداء التصق فى اذهان الكثيرالكثير من الشعب ده
فهو مصيبه نتعايش معها والا فليه الصمت المطبق ده
صمت يصم الاذان ويقتل اى امل فينا
والمصيبه الاكبر ان فى مبداء اسوء منه
"تغير الحال من المحال"
الناس يعينى حتى مش مقتنعه ان احنا ممكن نحاول نغير القرف اللىاحنا عيشين فيه
مع ان الصيغه الصحيعه لمبداء "تغير الحال من المحال"هو
" دوام الحال من المحال"
بس المصرين ديما وابدا يختلفوا عن الاخرين
رغم ان فى مجتمعات كتير حولينا بتتغير وبتثور وبتصرخ لما بتتالم
احنا بقى فين من ده كله
لا بنصرخ ولا حتى عايزين
ومن ساعة ثورة يوليو والناس بتتعامل
مع اللى بيحصلها انه قضاء وقدر

فليس هناك تحرك يذكر الا من بعض المثقفين

اللى لما ازعجوا اللى فوق لموهم مع بعض فى المعتقل

علشان يدردشوا شويه مع بعض

يعنى تقدر تقول ان المعتقلات دلوقتى بقت منتديات ثقافيا لا يرتدها الا المثقفين

مع اللى اعرفه انها اصلا لتجار المخدرات برضوا

بس ما علينا برضوا نحن نختلف عن الاخرين

بس عرفين انا شايفه ان كل الطرق تؤدى الى روما

فى اعتقادى ان اى فكر منظم يسعى الى رفع البلد

لو طبق بنزاهه وعدل هيوصل

اى كان نوع هذا الفكر

اسلامى بقى اشتراكى وحتى راس مالى مش فى مشكله

المهم ان البلد دى يبقى ليه وضع

فمثلا تركيا

زمان كنت بكره اتاتورك جدا

غير انى مش كنت بعرف اكتب اسمه كمان لان سمعت العلمانيه اللى طبقها فى تركيا سيئه اوى عندنا

ولانى جايه من خلفيه متدينه الى حدا ما

طبعا كنت بكره العلمانيه بالفطره

لكن لما كبرت وقريت شويه واتفرجت شويه على افلام وثائقيه

اكتشفت ان الراجل ده كان دماغ برضوا كويسه

هو اخد تركيا وكانوا بيسمهوا رجل اوربا المريض

وقال انا شايف ان نظام العلمانيه ده مناسب

بمعنى ان كل واحد يعمل اللى هو عايزه من غير ما يضايق حد

وكمان لكل مواطن فى البلد ليه دور لازم يعمله بالجذمه

علشان البلد تطور

وبعد ما يخلص شغله ودوره

فى ستين الف داهيه يعمل اللى هو عايزه

فاليذهب الى الجحيم

ورغم طبعا ان استيلاءه علىالحكم فى تركيا كان عسكرى برضوا الا انه عمل انتخبات

وعلم الاتراك يعنى ايه ينتخبوا

وسابهم هما احرار يكملوا علمانين اوكى

يغيروا برضوا اوكى

وعلشان كده بنشوف انى فى تداول للسلطه دلوقتى فى تركيه

يعنى مثلا فى اخر انتخبات التيار الاسلامى فاز

مفيش مشكله مسك الوزاره والحكم

مع العلم ان المسيطر على الجيش هو التيار العلمانى

ومع ذلك ملمش الشويه بتوع التيار الاسلامى وهما بيتغدوا عند واحد فيهم

قال ايه كانت تنظيم ارهابى

بس ارجع واقول برضوا نحن نختلف عن الاخرين