الجنيه ابو نمر

بما اننى من هوات ركوب مكروباصات

وبحس بعاطفه جياشه اتجاه هذه العربيه الغريبه اللى بيجتمع فيها كل طبقات الشعب

طلابه بقى وموظفين وعمال

واه بقى لو قبلت حد فيها صعيدى ولا فلاح لسه محدث مدينا ممكن تموت من الضحك على التحفذ اللى بيبقى فيه

وكذلك العمال الزرعين

(اصل الحكومه قالت ان الفلاح هو الذى يمتلك فوق 3 افدنه اما من يمتلك اقل فهو عامل زراعى)

ده بالاضافه ان الميكروباص ده فرصه هايله انكتعرف الشكب بيتكلم فى ايه وبذات بقى لو كان من نوع راما اللى 14 راكب

المحندق ده اللى بيحسسك بالتعاطف بين افراد الشعب

ده انا كنت بشوف سعات عدد موبيلات ببقى نفسى اهزق اللى ماسكها انه ركبها مكروباص

اصل اللى يخليه يمسك عده بكام الف يركب تكسى احسن

بس احمد اخويا فهمنى انى الواحد من دول بيبقى مئشف ومعفن

ورابط الحزام على وسطه طول السنه مش علشان سياسة التقشف انما علشان يشيل عده جامده

علشان يتفشخر بيها على الحته بتاعته ويمكن يكون مش معاه يرن عليها وبيبعتلها كلمنى شكرا السيم بتاعهم

;)

كل ما سبق مقدمه لما حدث لى اليوم وانا راكبه الميكروباص

فى اتنين موظفين ركبوا من رمسيس ريحين الوايلى

وشكلهم موظفين زاى ما بيقول الكتاب يعنى ناقص بس البطيخه والجرنان

المهم واحد منهم ادا التباع جنيه حسابه هو وصاحبه

التباع اعترض لان الجنيه قديم

ليه وليه بقى

الموظف التانى هاج وماج على التباع وفضل بيزعق فى السواق يعنى ايه مش تاخد الجنيه ماله يعنى مش عليه نمروا يبقى زاى الفل

وبعدين الحكومه هى اللى مقبضاه ليا انت هتعترض على الحكومه يعنى

قام السواق الذى لا يتعدى 22سنه ركن بقى على جنب علشان يتناقش مع المواطن اللى هيلبسه مصيبة اعتراضه على الحكومه

قام الراجل الموظف قال يحولها لقضية رائ عام ولف لكل اللى ركبين وقال يا جماعه ماله الجنيه عليه نمروا اهو يبقى زاى الفل

قام السواق قاله انت عمال تقول نمروا نمروا

هو عربيا يا عم الحج

وبعدين ايه اللى جاب سيرة الحكومه هو احنا نقصين امناء شرطه

وكأن الحكومه مختصره فى امناء الشرطه فقط لا غير

ومن هنا تحول كل من فى الميكرباص الى الاحتجاج على كل انواع الحكومه من اول الحج اللى دعت عليهم علشان كيلوا المكرونه اللى بقى بتلاته جنيه

لحد الحج اللى كان هيفقد اعصابه من دروس الثانويه عامه اللى بدائت عنده من اول شهر تمانيه

وكله طلع اللى جواه بقى ماهى هيصه

وكل المواضيع المؤرقه الشعب المصرى طلعت

وده اثار تعاطف الجميع على بعضه

وكان ناقص كل واحد يقوم يطبطب على اللى جنبه ويواسيه

وده اثر كمان على السيواق اللى قال خلاص يا افريقى(اسم التباع)خد الجنيه من الحج

لكن الموظف رفض وطلع جنيه تانى وقال وانت مالك يا ابنى خلاص انا هتصرف فيه برضوا مع الحكومه

ده يوضح انا بحب البلد دى ليه

فى اغنيه سمعتها مره اسمها مصر يا اما يا سفينه

بس متهيقلى لازم تتعدل وتيقى يا ميكروباص