سى مهند اللى بقى ولا الوباء
وبغض النظر عن حالة الهبل اللى عمت بين الفتيات بسبب مسلسل نور الذى لم اتحمل ان ارى منه اكثر من سبع حلقات وبعدين خفت على مرارتى ليجرلها حاجه فنقطعت عن رؤيته
المهم رمضان انقذنا والمسلسل خلص اللى حصل بقى ان من كام يوم وعلى غير العاده كنت قاعده اتفرج على التلفزيون ويجى اعلان سيراميك رويل بينى وبينكم فى الاول انا مش كنت فكراه اعلان اصلا انا شوفت مهند ومعاه واحده والجو كله شكله غريب قولت معقوله اعلان فيلم ده ولا ايه؟ اتارى اعلان سرميكمع ان كل اللى فى الاعلان ليس له اى علاقه بالسراميك
وبذات الايمائات بتاعت سى مهند والبت اللى معاه
المهم يعنى البنات فى المدرسه عندى بقيت تسيب المسلسلات وتستنى اعلان مهند
وبصراحه انا مش حولت اعلق على الهوجه بتاعت مسلسل نور
لكن الاعلان كان مستفز جدا وبذات فى شهر رمضان يعنى المفروض الناس تتلم شويه
وكمان بصراحه حسيت ان المستوى الفكرى بقى تعبان اوى عند البنات والاولاد
لان المصيبه ان كمان فى ولاد بيتبعوا المسلسل
حسبى الله ونعم الوكيل فى اللى كان السبب فى ان الناس تبقى تفهه للدرجه دى
وربنا يسترها علينا
7 comments:
يا ستي التفاهة لها ناسها
ربنا يهديهم
بقت حاجة تفقع والله يا وسام
لما تمشي تسمعي الناس وهي بتقول شوفت اعلان مهند الجديد ولا الكليب
لكي الله يا مصر
هو اصلا مفيش اكتر من النفاهة دلوقتي
مش فاهم انا والله الهوس دة كله ليه
دي حاجة تغيييييييييظ
ربنا معانا ع التفاهة دي
هو .. مهند فى حد ذاته شاب جميل .. أعذر الكثيرات فى اعجابهن بشكله .. لكن للدرجة التى تصل فيها بعض الحالات فى الخليج الى الطلاق فهذا هو الخبل بعينه
لكن العمل دراميا مع المحاولة بكل الطرق ان يكون رومانسيا فرأيى ان المسلسل يقدم نموذج غلبان من الرومانسية .. ساذج الى ابعد الحدود
ماتدقيش .. يعنى هى جت على مهند ؟ قولى لى ماذا قدم رمضان هذا العام غير العبط والاستهانة بعقل المشاهد .. فلا هى لها معنى .. ولاحتى مسلية او مضحكة
تحياتى
والله عندك حق
بس شويه شويه راح ينسوا مهند بس راح يفتكروا بطل المسلسل التركى التانى
وينسوا حاجات اهم بكتير
حزينه
اتكلمنا كتير فى موضوع مهند ده
و ناس كتير قوى قالت مسلسل تافه و مليان انحلال اخلاقى و ذموا فيه
بس انا شايفه ان المشكلة مش فى المسلسل و لا فى مهند و لا فى نور
المشكلة فى العقول اللى بتتفرج عليهم مش عشان هو مسلسل تافه
لا عشان المفروض انه حتى لو مش تافه فهو لا يرقى انه يكون اكتر من مسلسل بينتهى مع التترات بتاعته
لكن كونه يؤثر علينا و يبقى حديث المدينه فيبقى العيب فينا احنا
طب انتى بتكلمى على بنات مراهقين و عيال ...ليهم عذرهم برضه(رغم اننا كنا مراهقين و معملناش كده يعنى )الدور و الباقى على ستات ناضجات محترمات
و الله انا بابقى مكسوفالهم
Post a Comment